Мексико ќе добие 24 милиони дози од руската вакцина Спутник V против COVID-19, изјави мексиканскиот претседател Андрес Мануел Лопес Обрадор.
„Разговаравме со рускиот претседател Владимир Путин и му се заблагодарив на неговата одлука да ни испрати 24 милиони дози од вакцината во следните два месеца“, напиша Обрадор на Twitter.
Мексиканското Министерство за здравство соопшти дека очекува од Русија дозвола за испорака на вакцината Спутник V.
Руската вакцина сè уште не е одобрена од Европската агенција за лекови (ЕМА) и од мексиканските санитарни власти. Во Мексико единствено е одобрена американско-германската вакцина Pfizer/BioNTech.
Од почетокот на епидемијата на коронавирус во земјата се потврдени 1.763.219 заразени лица, од кои речиси 150.000 починале.