Претходно Русија најави дека ја напушта Меѓународната вселенска станица, а сега Роскосмос претстави модел од изгледот на новата вселенска станица.
Станува збор за руската вселенска станица наречена РОСС, која ќе биде лансирана во две етапи – за почеток со четири модули. Станицата потоа ќе биде проширена на вкупно шест модули со сервисна платформа. Дизајнот овозможува сместување на четири лица, а станицата ќе нуди и подобри способности за следење на Земјата во споредба со условите што Русија ги има на Меѓународната вселенска станица.
Сѐ уште нема многу информации за овој проект, но според руските медиуми, првото лансирање ќе се случи меѓу 2025 и 2030 година, а второто – меѓу 2030 и 2035 година. Тоа значи дека би можело да мине долго време откога Русија ќе ја напушти Станицата во 2024 година до можноста за користење на функционална замена.
Роскосмос во јули објави дека ја напушта Станицата како одговор на западните санкции и другите мерки наметнати поради нападот врз Украина во февруари. Така, 2024 година ќе го означи крајот на оваа 20-годишна американско-руско соработка во вселената.
Русија сепак ќе ги исполни своите обврски до 2024 година, а има и нов договор за размена на места на заедничките летови со САД.