Голем пожар избувна во рускиот град Јејск откако воен повеќенаменски борбен авион Сухой Су-34 се урна пред станбена зграда.
Станбена зграда во рускиот град Јејск се запали откако во близина вечерва се урна воен авион. Руското Министерство за одбрана потврди дека авионот бил воен повеќенаменски борбен авион Су-34, додавајќи дека авионот се урнал веднаш по полетувањето од локалниот аеродром за обука.
„Според извештајот од катапултираните пилоти, несреќата била предизвикана од согорување на еден од моторите при полетувањето“, соопшти Министерството.
На видеото од местото на настанот објавено од медиумот Mash се гледа повеќекатната станбена зграда зафатена во пламен со облаци од густ црн чад што се издигаат кон небото.
Бројот на жртвите од инцидентот останува непознат. Гувернерот на Краснодарскиот крај, каде што се наоѓа Јејск, рече дека на местото на настанот се распоредени локални и регионални служби за итни случаи. ТАСС јави дека, според официјални лица, најмалку 15 станови биле оштетени.
Градот Јејск е пристаништен грда на Азовското Море и на северозапад гледа кон Мариопол, градот кој Русија неодамна го анектираше во рамките на Донецк.