Останати спортови

Руски клуб ги премина сите граници: „Калашников“ е награда за најдобриот играч

12. септември 2019 - 12:09 | А.С.

Хокеарскиот клуб Ижстал од втората лига во Русија има нов начин за наградување на посветеноста на играчите.

Најдобриот играч по одигран натпревар наместо пригодна парична награда или бонус добива автоматска пушка АК-47 или попозната како „калашников“.

Челниците на клубот по последниот натпревар, односно победата над Чељабинск со резултат од 3:2, го наградија голманот како најдобар играч на мечот и му ја врачија наградата – „калашников“.

По врачувањето на наградата голманот позираше со „новата играчка“, но се очекува оваа ситуација за кратко време да дојде до највисоките органи за безбедност во земјата кои ќе одговорат соодветно на ваквиот начин на наградување на спортистите.

Коментирај