Рускиот твист е идеална вежба за зајакнување на стомачните мускули, но и за мускулите на грбот кои ќе го зајакнат вашиот горен дел од телото.
Најдобро е да користите тегови или медицинска топка, но доколку немате дома, вежбата може да ја правите и без тегови. Оваа вежба се прави така што ќе седнете, со петите ќе го допрете подот и лесно ќе се потпрете на грбот, а `рбетот треба да ви биде исправен.
Со неколку серии од оваа вежба ќе имате обликувани стомачни мускули и затегнат абдомен. Користете тегови од 5 или 10 килограми, во зависност од тоа колку сте физички подготвени.
Седнете на подот со свиткани колена под агол од 90 степени, трупот нека ви биде наведнат наназад, формирајќи агол од 45 степен. Држете се во таа позиција.
Движете ги рацете од една страна на друга. Направете од 8 до 12 серии.
Мора да бидете внимателни затоа што силата треба да доаѓа од абдоменот, не од рамениците или рацете. Целото тело треба да биде во почетната позиција, а само горниот дел од телото да се движи.
