Советникот на министерот за внатрешни работи на Украина, Антон Герашенко, објави видео во кое регрут во руската војска се жали дека не се доволно плаатени и дека никој нема слух за нивните барања.
„Ги потпишавме договорите во октомври и за само неколку дена бевме на фронт. Преку ноќ нè префрлија во областа Макиивка. Но, во документите бевме регистрирани во Чебаркул“, вели постар руски регрутер, додавајќи дека неговата сопруга испратила прашања до властите зошто е тоа така.
„Добив 9.000 рубли (120 евра) за октомври и 19.000 (250 евра) за ноември. Други се во воени бази каде што се на обука од август, септември. Тие добиваат пари, добро им оди. Тие се во Русија, додека ние сме на фронт со мизерни плати“, посочува разочараниот војник.
Тој додава дека не е сè до парите, туку дека државата ветила дека сите ќе бидат платени.
Од почетокот на мобилизацијата, руските регрути се жалаат на многу лоши услови и често доцнење на плаќањата. Други предупредуваат на зголемена корупција во армијата, некои се привилегирани што не го ни гледаат фронтот, додека други се испраќаат на борбената линија по неколкудневна обука.
