Потребни се најмалку уште 80.000 луѓе за транспортната индустрија во САД, изјави за CNN претседателот на Американската асоцијација на возачи на камиони Крис Спиар.
Тоа е за 30% повеќе отколку пред пандемијата кога тој сектор имаше недостиг од 61.500 возачи на камиони. Американската економија 71% се потпира на копнениот транспорт, но камионите што пренесуваат артикли се само 4% од возилата на патиштата.
Во моментов во САД има рекорден недостаток на возачи. Во моментов, десетици бродови чекаат со недели да бидат истоварени, бидејќи нема кој да го пренесе товарот.
Претседателот Џо Бајден побара пристаништата во Лос Анџелес и Лонг Бич да работат 24 часа на ден, седум дена во неделата, за да го забрзаат ослободувањето на стоки и бродови, но компаниите што увезуваат немаат доволно возачи за да ја подигнат и транспортираат стоката.
Асоцијацијата верува дека проблемот може да се реши со двопартискиот инфраструктурен план, доколку биде одобрен од Конгресот. Тоа ќе овозможи влез на пари во транспортот и да се обучат околу 3.000 млади луѓе. Во моментов, возачите на камиони мора да имаат над 21 година, а идејата е во оваа активност да се вклучат и лица на возраст од 18 до 20 години.
