Контроверзниот гасовод Северен поток 2, меѓу Русија и Германија, погоден од мерките по руската инвазија на Украина, е „мртов“ и „нема да може да оживее“, смета Викторија Нуланд, потсекретар за политички прашања во Стејт департментот.
„Мислам дека Северен поток 2 сега е мртов, тоа е големо парче метал на дното на морето и мислам дека нема да може да оживее“, изјави Нуланд на парламентарното сослушување во вторникот.
Таа смета дека гасоводот никогаш нема да биде ставен во функција. САД веќе подолго време се противат на тој гасовод за кој се залагаа Русија и Украина, оценувајќи дека ги засилува капацитетите на Москва да ја користи енергетската снабденост на Европа како геополитичко оружје.
Но, со оглед на тоа дека проектот скоро беше целосно завршен, за да ги избегне несогласувањата со Берлин, американскиот претседател Џо Бајден се откажа во 2021 година се откажа од санкции кон главните оператори.
Веднаш по руската инвазија на Украина, Германија го суспендираше Северен поток 2 кој не ни почна да работи.
По овој потег, германско-рускиот оператор со седиште во Швајцарија ги отпушти сите 106 вработени во секторот.
