Автопатиштата се проектирани за големи брзини, но во многу земји има ограничување на максималната брзина од безбедносни причини.
Најстрогите држави со модерни мрежи на автопатишта се наоѓаат во Европа и Азија. Сингапур и Макао имаат најзаглавени автопатишта што главно поминуваат низ густо населени подрачја, па разбирливо е што бризната е ограничена на максимални 90 км/ч.
Во Латвија и Естонија се (премногу) претпазливи во текот на зимата кога максималната брзина од 110 км/ч ја спуштаат на 90.
Сепак, има и земји каде може слободно да стиснете на педалата за гас и да уживате во добро, брзо возење. Секако, големата брзина носи голема одговорност, затоа возете внимателно.
Германија
Легендарниот аутобан во Германија постои од 1932 година кога била направена прата делница меѓу Келн и Бон. Денес, 87 години подоцна, Германија има автопатишта во должина од 12.996 километри на кои е дозволено да возите онолку брзо колку што сакате. Сепак, на сѐ повеќе делници се поставуваат знаци со ограничувања, затоа добро отворете ги очите.
Обединети Арапски Емирати и Саудиска Арабија
Најдобри по Германија за љубителите на огромни брзини се ОАЕ. Во оваа земја само на еден автопат смее да се вози со 160 км/ч – тоа е новиот автопат Абу Даби што беше пуштен во употреба годинава.
Но, ако ја прекршите максималната брзина за само 1 километар, ќе добиете строга казна, а ќе бидете фатени бидејќи има камери насекаде.
Освет во ОАЕ, пустинска оаза за јурење по автопатишта е Саудиска Арабија. Официјалното максимално ограничување е 140 км/ч, но полицијата е толерантна до 20 километри над дозволеното. Полициските контроли не се толку чести како во ОАЕ, а нема ни толку сообраќајни камери.
Полска и Бугарија
Максималната дозволена брзина на новоизградените автопатишта во Полска изнесува 140 км/ч. На старите патишта има ограничување до 100 км/ч.
Сообраќајната полиција во Полска е многу толерантна, па во зоната за 140 км/ч може да возите 150 и ќе поминете неказнето.
Слична е ситуацијата во Бугарија каде има исто максимално ограничување од 140 км/ч.
Соединети Американски Држави
Меѓу земјите каде најмногу би уживале вљубениците во огромни брзини се САД, поточно сојузната држава Тексас. Таму ограничувањето на брзината на автопат е 137 км/ч, што е повеќе отколку во остатокот од Европа.
Според Член 36 од Законот за безбедност на сообраќајот на патиштата во нашата земја, на јавен пат надвор од населено место, возачот не смее со возилото да се движи со брзина поголема од:
- 130 км/ч на автопат;
- 110 км/ч на пат резервиран за сообраќај на моторни возила и
- 90 км/ч на други патишта.
