По синоќешната победа во дербито над Евертон, Мохамед Салах го коментираше и неговиот пласман на дури 7. место во рангирањето за наградата Златна топка.
Египќанецот буквално прсна во смеа кога новинарот го праша за Златната топка и неговото пласирање на 7. место.
„Немам коментар“, кратно изјави тој смеејќи се, а потоа додаде дека се надева наредната година ќе биде поинаку.
Златната топка на France Football во понеделникот скандалозно заврши во рацете на Лео Меси иако за јавноста победник беше Роберт Левандовски.
Салах сезонава игра во неверојатна форма за Ливерпул и со синоќешните два гола по 4:1 победата над Евертон сега има 13 гола во Премиер лигата и води на листата на стрелци.