Самозапалување била причината за опожарената SEAT Altea на паркингот на булевар „Асном“ во населбата Ново Лисиче која изгоре целосно и од чиј оган делумно беа зафатени други две возила, соопшти МВР.
Случајот беше пријавен викендов, на 9 август.
Според увидот, извршените разговори и прегледот на записите од безбедносна камера е утврдено дека околу 9:20 часот внатрешноста на возилото SEAT Altea се самозапалило при што огнот почнал да се шири. По кусо време, сопственикот на ВОЗИЛОТО М.Ј. (35) од Скопје се обидел да го изгасне пожарот, но при отворање на една од вратите, пламенот се проширил многу брзо, ја зафатил внатрешноста на возилото и другите две возила, Fiat Punto, сопственост на И.Н. (41) и Mercedes-Benz E 270, сопственост на К.С. (73), двајцата од Скопје.
По насоки на јавен обвинител настанот е расчистен и квалфикуван како „пожар“.