Samsung го повлече првиот потег, време е и другите производители да почнат со оваа практика.
Би рекле дека одамна поминаа деновите кога Samsung нудеше лоша софтверска поддршка за своите смартфони, бидејќи оваа компанија е лидер во областа на надградба на софтвер во Android светот веќе 2-3 години. Секако, секогаш има простор за подобрување, а сега Samsung прави уште еден чекор напред во тој поглед.
Имено, според најновиот извештај кој доаѓа од Galaxy Club, корисниците на Android телефони во Европа во иднина би требало уште побрзо да добиваат ажурирања, објави gsmarena.com.
Имено, Galaxy Club известува дека Samsung развива фирмвер со уникатна класификација на кодови (CSC) за сите свои претстојни телефони во Европа. Идентификаторот EUX е веќе присутен на 4G верзијата на телефонот Samsung Galaxy A52, како и на флексибилните телефони Galaxy Z Fold 3 и Galaxy Z Flip 3, а тоа ќе биде случај за повеќето телефони Samsung што ќе бидат претставени во Европа до крајот на оваа година.
Во превод, тоа значи дека во иднина Samsung би можел од самиот почеток да почне да испраќа ажурирања до сите уреди во Европа, без претходно да дојде ажурирањето, на пр. на серијата Galaxy S21, потоа на Galaxy A72 итн. Ова е многу голем потег на Samsung, кој сигурно ќе привлече повеќе купувачи на Galaxy телефони.
Galaxy Club известува дека сериите Galaxy S22, Galaxy A53, Galaxy A33 и Galaxy A13 ќе бидат објавени со единствен EUX идентификатор, а речиси е сигурно дека Samsung Galaxy A73, Galaxy A43 и другите ќе го имаат истиот идентификатор.
За потсетување, Samsung беше првиот во Android светот што имплементира три големи Android ажурирања и четири години безбедносни ажурирања, додека водечките уреди имаат дури пет години безбедносни ажурирања.
Samsung го имплементира ова на претставувањето на серијата Samsung Galaxy S20, во 2020 година, а набргу потоа сите водечки производители на Android телефони почнаа да ја следат оваа практика. Samsung отиде чекор понапред, другите се на потег.