Започна 73. издание на култниот италијански музички фестивал Санремо, а првата вечер ја одбележа скандалозниот настап на минатогодишниот победник Бланко.
Имено, за време на својот настап, италијанскиот пејач во еден момент почна да ја уништува сценографијата на бината.
Ги клоцаше и со раце ги корнеше цвеќињата на бината, фрлал даски со рози и ги тресеше музичарите кои го пратеа. Дури и се лизна шутирајќи ги розите.
Своето дивеење не го прекина до самиот крај на песната, а кога го направи тоа, публиката гласно го исвирка.
Песната со која настапи се вика „L'isola delle rose“ (Островот на розите).
„Убавата работа во музиката е тоа што не мора секогаш да следите шаблон. За жал, не слушав во слушалките, не го слушнав гласот, но сепак се забавував“, изјави пејачот пред водителот кој со страв му пријде.
Од почетокот на настапот имал проблем бидејќи во слушајките не слушал ништо. Во знак на револт почнал да ја униптува сцената. Водителот му понуди, доколку сака, на крај да го повтори настапот во салата „Аристон“ со исправни слушалки.
Италијанските медиуми неговиот настап го окарактеризираа како еден од најлошите во историјата на фестивалот.
По него на сцената со метла се појави легендарниот музичар Џани Моранди кој ја подзачисти сцената од расфрланите цвеќиња.
Фестивалот трае до сабота, 11 февруари.
