Саудиска Арабија се обидува да ја намали зависноста од нафта, но тоа не е пречка да ја искористи својата индустрија за да создаде сосема нови туристички атракции.
Блискоисточната земја ги објави плановите да претвори нафтена платформа во екстремен парк и одморалиште од 150.000 метри квадратни. Овој иден парк ќе се наоѓа во Персискиот Залив.
Проектот е финансиран од Public Investment Fund (ПИФ), а дел од паркот ќе бидат три хотели и 11 ресторани. Целиот комплекс ќе се состои од неколку поврзани платформи, како и тобогани и други адреналински активности како банџи скокање и скокање со падобран.
Плановите за идната атракција и видео се веќе објавени и тие сугерираат што ќе очекуваат посетителите кога ќе дојдат да се одморат и да се забавуваат.
„Овој проект е единствена туристичка атракција која ќе привлече туристи од целиот свет. Се очекува повеќето луѓе да доаѓаат од регионот на Персискиот Залив“, се вели во соопштението.
Засега не е познато кога екстремниот парк ќе биде завршен.
