Гарет Саутгејт повеќе не е селектор на Англија откако денеска поднесе оставка. По 102 натпревара на чело на „Трите лава“, две изгубени последователни финалиња на ЕУРО, по 7 години стручњакот оцени дека се неопходни промени на клупата.
„Како горд Англичанец, честа на мојот живот беше да играм за Англија и да ја водам Англија како селектор. Многу ми значеше, давав с од себе. Но, време е за промени и за нови поглавја. Неделното финале во Берлин против Шпанија беше мојот последен натпревар како селектор на Англија“, се вели во соопштението на Саутгејт.
Само 17 порази во 102 натпревара, 61 победа го прават Саутгејт трет најуспешен селектор на Англија на сите времиња.
„Пред Гарет, нашето најдолго време да бидеме рангиран во првите пет во светот беше 7 месеци. Во неговиот мандат бевме таму 6 години. Саутгејт го направи невозможното и постави силна основа за идните успеси. Играчите, тимот во позадина, сите во ФА и ширум фудбалскиот свет неизмерно го почитуваат. Ние сме многу горди на сè што Гарет и Стив постигнаа за Англија и засекогаш ќе им бидеме благодарни“, изјави директорот на ФА, Марк Булингам.
Фудбалската асоцијациоја нема многу да чека за да назначи нов селектор.
„Процесот за назначување наследник на Гарет е во тек и имаме за цел да го потврдиме нашиот нов предводник што е можно поскоро. Нашата кампања во Лигата на нации на УЕФА започнува во септември и имаме привремено решение доколку е потребно. Знаеме дека ќе има неизбежни шпекулации, но нема да го коментираме понатаму нашиот процес с до назначувањето на нов селектор“, објасни Булингам.
Our CEO, Mark Bullingham, has paid tribute to Gareth Southgate after he announced his decision to leave his role as manager of the @England men's team.
— The FA (@FA) July 16, 2024
Саутгејт со Англија одигра и два натпревара против Македонија и тоа во рамките на клвалификациите за ЕУРО 2024. Прво во јуни минатата година во Манчестер ѝ го нанесе најтешкиот пораз на македонската репрезентација во својата историја, победувајќи ја со 7:0. Тоа е втора највисока победа на Англија под Саутгејт откако претходно со 10:0 го победи Сан Марино во квалификациите за Мундијалот 2022, а победа од идентични 7:0 има и против Црна Гора во квалификациите за ЕУРО 2020. Потоа во ноември 2023 во Скопје Англија на реваншот одигра 1:1 со Македонија.
