Саутгејт призна: Шпанија беше најдобра екипа на првенството

Англискиот селектор Гарет Саутгејт по поразот во финалето на Европското првенство изјави дека Шпанија е најдобрата репрезентација на турнирот и додаде дека е горд на своите играчи за сѐ што покажале во Германија.

„Мислам дека Шпанија е најдобрата екипа на турнирот. Не ја контролиравме доволно добро топката, но бевме во игра до последните 10 минути. Разочаран сум. Моите играчи беа неверојатни, многу сум горд на с што покажаа на Европското првенство. Малку ни недостасуваше да го освоиме пехарот“, изјави Саутгејт.

Селекторот на Англија жали што неговата репрезентација не ги искористи шансите.

„Имавме моментум на наша страна по нерешениот резултат, но не го искористивме. Имавме и одлична шанса да израмниме во 90-тата минута. Веројатно, кога ќе се погледнат сите 90 минути, не направивме доволно за да победиме“, заклучи Саутгејт.

И покрај второто по ред загубено финале на Европските првенства, Саутгејт веројатно ќе продолжи да ја води Англија барем до Мундијалот 2026.