Анџелина Џоли го покажа новиот дечко

Анџелина Џоли го привлече вниманието на јавноста кога се појави на настан на модната куќа Tom Ford во Шангај, каде што позираше во интимна прегратка со креативниот директор на брендот Хајдер Акерман и се држеа за раце.

Џоли ги изненади присутните избирајќи малку похрабра шминка во споредба со нејзиниот препознатлив, минималистички стил. Актерката носеше светлоцрвен кармин, кој беше централен детаљ на нејзиниот изглед, додека остатокот од шминката остана суптилен и елегантен.

Стајлингот беше надополнет со свилен бел фустан со длабоко деколте и нагласени прерамки, кој го задржа нејзиниот карактеристичен софистициран моден потпис.

Целиот изглед беше дополнително истакнат со нова фризура - посветла, пепелаво-руса коса стилизирана со патец на страна.

Таа дојде на настанот во друштво на креативниот директор на брендот, Хајдер Акерман, а нивното појавување предизвика голем интерес. Двојката изгледаше доста интимно, држејќи се за раце додека позираа за фотографите.

„Многу сум благодарна што сум тука. Би сакала да имам повеќе време и со нетрпение очекувам да се вратам“, рече таа на настанот.

Џоли присуствуваше на ексклузивен настан за брендот на кој се собраа бројни инсајдери од светот на модата, убавината и индустријата за забава, а кој послужи како платформа за промоција на линијата за убавина и визијата на модната куќа Tom Ford.

Кога станува збор за Хајдер Акерман, тој е реномиран моден дизајнер познат по својот софистициран, уметнички инспириран пристап кон современата мода. Во текот на својата кариера, тој работеше за бројни реномирани модни куќи, а особено се истакна како креативен директор на брендот Berluti, каде што дополнително ја зајакна својата репутација како иновативен и елегантен дизајнер.