Американската актерка Ариел Винтер, која се прослави како дете играјќи ja Алекс Данфи во ТВ серијата Modern Family, откри дека била злоставувана додека работела во Холивуд.
Во интервју за Daily Mail изјави дека ѝ пристапиле многу постари мажи.
„Запознаена сум со машките предатори бидејќи работам во Холивуд уште од дете. Почнав кога имав 4 години. Не сакам премногу да зборувам за тоа, но кога почнав да користам лаптоп и мобилен телефон почнав да добивам несоодветни пораки од постари мажи и тоа беше трауматично“, рече таа.
Поради сè што доживеала лично и онлајн, одлучила да побара стручна помош.
„Филмската и ТВ индустријата се темно место“, додаде таа. Исто така спомена дека медиумите пишувале за нејзината слика за телото, навредувајќи ја затоа што е дебела.
„Во поголемиот дел од моите тинејџерски години мојата фигура беше главна тема на разговор во градот. Беше насекаде, во секој наслов што го читав за себе. Имав 14 години“, рече таа.
Исто така рече дека земала антидепресиви додека била во средно училиште и дека поради нив се здебелила 15 килограми. Потоа ги сменила лековите.
„Почнав патување на самолекување. Се лекував. Бев опкружена со прекрасни луѓе“, заврши сега 27-годишната Винтер.
