Американскиот актер Бен Афлек јасно им стави до знаење на своите деца дека ќе мора да најдат „редовна“ работа доколку сакаат да си дозволат луксузни предмети. Тој неодамна одби да му купи на својот 13-годишен син Семјуел патики Dior Air Jordan 1 од 6.000 долари.
Видеото речиси веднаш стана вирално на социјалните мрежи.
„Тој ги сакаше тие патики и јас реков: 'Овие патики чинат 6.000 долари, што зборуваш? Што ќе работиш, ќе косиш? Дали имаш 6.000 долари?' Тој рече: 'Имаме пари', а јас реков: 'Јас сум богат, а ти немаш скршена пара'“, рече тој за време на гостувањето во „Today with Jenna & Friends“.
Додаде дека се подразбира дека секој родител сака да им даде на своите деца сè, но не им прават услуга со тоа што не ги учат како да ги заработат работите што ги сакаат.
Кажа и дека Самјуел „се спуштил на земја“ откако не ги добил скапите патики.
„Му реков: 'Ако ги сакаш, можеш да работиш 1.000 часа за минимална плата. Кога ги правиш тие 1.000 часа, можеби нема да сакаш да ги потрошиш на патики“, рече тој.
Афлек има и две ќерки од бракот со Џенифер Гарнер: 19-годишната Вајолет и 16-годишната Серафин.
