Филмот Coyote vs. ACME дебитираше со 15,5 милиони долари во Северна Америка, додека Spider-Man: Brand New Day остана на врвот на бокс офисот петти викенд по ред.
Три години откако Warner Bros. се откажа од Coyote vs. ACME, филмот кој го презеде дистрибутерската компанија Ketchup Entertainment, пристигна во кината и го освои второто место овој викенд.
Филмот заработи 15,5 милиони долари од продажба на билети, што е најдобриот почеток досега за независниот дистрибутер.
Spider-Man: Brand New Day остана на првото место, заработувајќи 22,2 милиони долари во кината во САД и Канада. Со тоа неговата вкупна светска заработка достигна 2,33 милијарди долари, што го прави четвртиот филм со најголема заработка на сите времиња.
Coyote vs. ACME, базиран на колумна од Иан Фрејзер во списанието The New Yorker, го следи Којотот Вајл Е. кој ја тужи компанијата ACME за неисправни производи.
Во филмот глумат Вил Форте, Џон Сина, Лана Кондор и Ерик Бауза, а режисер е Дејв Грин. Продукцијата чинеше 70 милиони долари, а Warner Bros. одлучи во 2023 година да го повлече завршениот филм и да го искористи даночото ослободување.
По реакции од јавноста, студиото го стави на продажба, а Ketchup Entertainment ги купи правата за светска дистрибуција на почетокот на минатата година за околу 50 милиони долари.
„Coyote vs. ACME конечно, величествено, е во кината. Тоа значи едно нешто. Победивме“, рече Грин во петокот.
Филмот доби рејтинг А од CinemaScore и има 95 проценти позитивна оценка од критиките на Rotten Tomatoes.
Меѓу новите изданија, The Dog Stars на Ридли Скот исто така потфрли - стигна само до петтото место со заработка од 8 милиони долари во САД и Канада, со дополнителни 11,3 милиони долари на меѓународните пазари. Филмот, чие производство чинеше помеѓу 70 и 100 милиони долари, е за пилот и германски овчар кои преживуваат глобална пандемија.
The Odyssey е на третото место со заработка од 14,3 милиони долари во седмиот викенд од прикажувањето. Филмот на Кристофер Нолан сега има глобална заработка од 1,55 милијарди долари.
