Во неодамнешно интервју за E! News, Џорџ Клуни потврди дека официјално се работи на ново продолжение на сагата Ocean’s. Иако датумот на објавување на новиот филм сè уште не е официјално потврден, неофицијалните проценки сугерираат дека Ocean’s 14 би можело да се појави во кината во 2027 година, објави Collider.
„Добивме одобрение за буџетот од Warner Bros. и се обидуваме да го договориме“, рече актерот, откривајќи дека сега сè е прашање на договор за распоредот. Клуни додаде дека снимањето би можело да започне „за околу девет до десет месеци“.
Најголемото возбудување кај обожавателите беше веста дека оригиналната екипа се враќа за новото продолжение. Клуни потврди во интервјуто дека повторно ќе се соедини со долгогодишните колеги Бред Пит, Мет Дејмон, Дон Чидл и Џулија Робертс.
„Да. Бред, Мет, Дон и Џулија. Вечерав со Џулија синоќа. Сите ми се сè уште многу добри пријатели. Значи, можноста да соработуваме би била многу забавна“, рече Клуни.
@enews The cards are on the table for "Ocean's 14." 👀
♬ original sound - E! News
По години шпекулации за можно враќање во франшизата, потврдата дека продукцијата конечно е во тек предизвика големо возбудување кај фановите ширум светот.
Модерната верзија на серијата започна во 2001 година со филмот Ocean's Eleven во режија на Стивен Содерберг. Филмот беше огромен успех, заработувајќи повеќе од 450 милиони долари на светските бокс-офис со буџет од 85 милиони долари.
Популарноста резултираше со продолженијата Ocean's Twelve (2004) и Ocean's Thirteen (2007), а во 2018 година франшизата доби и спин-оф, Ocean's 8, со целосно женска екипа предводена од Сандра Булок и Кејт Бланшет.
