Третата сезона од популарната серија Euphoria на HBO завршува, а финалето е предвидено да биде спектакуларно, барем во однос на должината.
Осмата и последна епизода од сезоната не само што ќе биде најдолгата во историјата на серијата, туку ќе го сруши и рекордот за целата продукција на HBO.
Остануваат уште три епизоди до крајот на сезоната.
Според ScreenRant, финалето на третата сезона на Euphoria ќе трае дури 93 минути.
Ова ќе ја направи епизодата, напишана од креаторот на серијата Сем Левинсон, најдолгата во историјата на HBO.
Новиот рекорд за Euphoria ќе го надмине претходниот шампион, Game of Thrones, чија епизода The Long Night од осмата сезона ја држеше титулата за најдолга со 82 минути.
Game of Thrones претходно го држеше рекордот за најдолга должина на епизода, а нејзиниот спин-оф House of Dragon имаше неколку епизоди кои се подолги од еден час, од кои некои се долги и до 70 минути.
За споредба, епизодите од Euphoria ретко надминувале 60 минути, а најдолгата досега траела 65 минути.
Фактот дека финалето ќе биде речиси долго колку еден филм дополнително ги поттикна шпекулациите дека третата сезона би можело да биде последна.
Главната ѕвезда на серијата, Зендаја, претходно навести за таков заклучок.
