Директорот на X, Tesla и SpaceX Илон Маск беше во врска со актерката Амбер Херд, а сега се појавија нови детали во врска со нивното потенцијално потомство.
Американските медиуми објавија дека двајцата биле во правен спор за ембриони кои наводно ги создале заедно, при што Маск сакал да бидат уништени додека Херд се борела да ги задржи.
„Сакаше да има дете со него“, тврди Џенифер Хауел, блиска пријателка на Витни, сестрата на актерката, во изјава што ја достави до судот.
Иако оваа изјава на крајот беше исклучена од тужбата на Џони Деп и Амбер Херд, таа повторно стана актуелна поради откритијата за сè покомплексниот семеен живот на Маск.
Тој се забавуваше со Херд од 2016 до 2018 година. Како што објави The Wall Street Journal, Маск има 14 деца, а склучил доверливи финансиски договори со неколку жени со кои има деца.
Меѓу нив е и инфлуенсерката Ешли Сент Клер, која тврди дека ѝ понудил еднократна исплата од 15 милиони и 100.000 долари месечно за да молчи дека имаат заеднички син.
