Кристен Стјуарт се венчаше со партнерката Дилан Мејер на приватна церемонија во Лос Анџелес

Ѕвездата на франшизата Twilight, Кристен Стјуарт, се венчаше за својата партнерка Дилан Мејер во Лос Анџелес во неделата на 20 април, пренесува TMZ.

Американските медиуми објавија дека парот си разменил завети дома пред група нивни најблиски роднини. Двојката ја доби дозволата за брак претходно оваа недела пред да го каже судбоносното „Да“ пред семејството и пријателите.

Актерката (35) и сценаристката (37) се во врска од август 2019 година, откако повторно се поврзаа на роденденска забава на заеднички пријател неколку години откако прв пат се сретнаа на снимањето на филмот.

Се свршија во 2021 година. За време на појавувањето во Howard Stern Show таа година, Стјуарт се пошегува дека Мејер - која е ќерка на сценаристот Николас Мејер - ја претекнала и ја запросила.

„Сакав да ме запросат, па мислам дека многу јасно го опишав она што го сакам. И, знаете, таа го направи тоа. Беше навистина слатко. Многу добро се снајде“, рече Стјуарт тогаш.

Пред да се омажи за Дилан, Кристен 3 години беше во врска со манекенката Стела Максвел (34).

Се забавуваше и со пејачката Сент Винсент, со вистинско име Ени Кларк. Кристен претходно беше во врска со нејзиниот колега од Twilight, Роберт Патинсон, а нивната романса започна во 2009 година.