Обожавателите на популарната серија Emily in Paris имаат причина да слават.
Netflix потврди во понеделникот, 5 јануари, дека серијата во која глуми Лили Колинс се враќа за шеста сезона. Веста доаѓа само неколку недели по премиерата на петтата сезона, која пристигна на стриминг платформата на 18 декември.
Netflix ја објави веста за новата сезона на социјалните мрежи со слатко видео во кое Колинс дува свеќа во форма на бројот шест на кроасан. „Доме, сладок доме, Emily in Paris се враќа за 6-та сезона“, се вели во објавата.
Одлуката да се продолжи не е изненадувачка со оглед на импресивниот успех на најновите епизоди. Петтата сезона собра 26,8 милиони прегледи низ целиот свет за само 11 дена од нејзиното објавување.
Исто така, се најде на второто место на глобалната листа на „Топ 10 серии на англиски јазик“ на Netflix и беше меѓу десетте најгледани серии во 91 земја, а беше на врвот во 24 од нив, вклучувајќи ја и Франција.
Потсетуваме дека петтата сезона ја следеше Емили Купер, на која се чинеше дека „сè ѝ оди од рака“ во Италија, но „бизнис идејата тргнува наопаку, а последиците се прелеваат во скршено срце и кариерен пад“, според официјалниот синопсис.
Финалето на сезоната ги остави гледачите во неизвесност, а Емили се соочи со одлуката дали да остане во Рим со своето италијанско момче или да се врати на животот во Париз.
