Актерката Обри Плаза остана вдовица по 14 години љубов, а сега е бремена со своето прво дете.
Актерката Обри Плаза, која ја освои публиката со улогата во серијата The White Lotus, е бремена и го очекува своето прво дете.
Како што објави списанието People, 41-годишната актерка очекува бебе со својот сегашен партнер, актерот Кристофер Абот, а бебето го очекуваат есенва.
„Тоа беше прекрасно изненадување по емотивна година“, изјавил изворот за весникот и додал: „Се чувствуваат многу благословени.“
Прекрасната вест доаѓа една година по трагичната смрт на нејзиниот сопруг, Џеф Бена. Сценаристот изврши самоубиство во јануари 2025 година и имаше 47 години во времето на смртта.
Двајцата се венчаа во 2021 година по 10 години љубов, а според добро информирани извори, тие биле разделени четири месеци пред неговата смрт.
Актерката го прекина молчењето за смртта на нејзиниот сопруг минатиот август во подкастот Good Hang на Ејми Полер.
„Во овој момент, среќна сум што сум со тебе“, ѝ рече Обри на својата поранешна колешка од серијата Parks and Recreation.
„Сè на сè, јас сум тука и функционирам.“
Плаза нагласи дека е „многу благодарна што се движи низ светот“ и дека се чувствува „добро“.
„Во секој момент, постои еден огромен океан од ужас кој едноставно е таму и можам да го видам. Понекогаш само сакам да се нурнам во тоа и да бидам во него. И понекогаш го гледам, а понекогаш само се обидувам да избегам од него, но тој е секогаш таму“, рече Плаза.
