Семејните односи меѓу Бред Пит и Анџелина Џоли е повторно во центарот на вниманието откако нивната ќерка Захара Џоли-Пит поднесе барање за официјална промена на презимето, со што таа ќе стане трето дете на познатата двојка кое одлучило да се откаже од презимето на Пит.
Според судските документи, 21-годишната Захара побарала нејзиното име во иднина да се користи како Захара Џоли наместо Захара Џоли-Пит. Судот треба да одлучи за нејзиното барање на рочиште закажано за 28 септември.
Иако ова е првпат таа да покрене формална правна постапка, Захара навести таква одлука уште во 2023 година кога се претстави како Захара Марли Џоли за време на церемонијата за прифаќање на женското здружение Алфа Капа Алфа на колеџот Спелман. Таа не го користеше презимето на нејзиниот татко за време на неодамнешното примање на дипломата по психологија.
Захара не е единственото дете на славната поранешна двојка што одлучило да го направи овој чекор. Нејзината сестра Шајло законски го отстрани презимето Пит кратко откако стана полнолетна во 2024 година, додека Медокс поднесе барање за истото во мај оваа година, наведувајќи лични причини.
Медокс претходно престана да го користи презимето на Пит во својот професионален живот и не го вклучи во одјавната шпица за филмот Couture на кој работеше како помошник-режисер. Вивиен, исто така, не го користеше презимето на нејзиниот татко кога учествуваше во бродвејската продукција на The Outsiders.
Според претходните медиумски извештаи, на Пит тешко му паднале одлуките за неговите деца, но наводно сè уште се обидува да ги поправи нарушените семејни односи.
Неговиот однос со неговите деца е во јавноста со години по разводот од Анџелина Џоли. Поранешните сопружници се разделија во 2016 година по инцидент во приватен авион, а нивниот долг и комплициран развод официјално беше финализиран кон крајот на 2024 година.
