Зои Салдања стана најплатената актерка во историјата, а нејзините филмови досега заработија повеќе од 15,46 милијарди долари на глобалните бокс офиси. Ова ја престигна претходната лидерка Скарлет Јохансон, пишува The Guardian.
47-годишната актерка, добитничка на Оскар, се проби на врвот на листата по успехот на филмот Avatar: Fire and Ash додаде повеќе од 1,2 милијарди долари на нејзината вкупна заработка.
Нејзините претходни филмови во франшизата Avatar, како и улогата на Гамора во Marvel трилогијата Guardians of the Galaxy и филмовите Avengers: Infinity War и Avengers: Endgame, исто така придонесоа за оваа сума. Салдања имаше успех и со филмовите Star Track и првото продолжение на Pirates of the Caribbean.
Минатата година, Скарлет Јохансон го освои првото место откако Jurassic World Rebirth заработи 869 милиони долари низ целиот свет. Актерката се појави и во неколку филмови на Marvel. Иако Avatar: Fire and Ash заостанува зад претходните филмови во франшизата на бокс офисот, тој го држи првото место во домашната кино дистрибуција од објавувањето во декември.
Салдања го позајми и гласот за авантурата Elio на Pixar минатото лето, но тој филм не ги исполни очекувањата. Минатата година, таа освои Оскар за најдобра споредна женска улога за нејзината улога во крими-мјузиклот на Netflix, Emilia Pérez, а моментално работи на следната сезона од акционата драмска серија Special Ops: Lioness.
Иако режисерот на Avatar, Џејмс Камерон, има планирано уште два филма, сè уште нема официјална потврда за снимањето.
„Ако од која било причина не можеме да ги снимиме 4 и 5, ќе одржам прес-конференција и ќе ви кажам што ќе правиме“, рече тој минатиот месец. „Како ви звучи тоа?“
