Во светот на филмската индустрија, музиката игра клучна улога во создавањето атмосфера и емоција. Некои песни стануваат препознатлив белег на цели генерации токму преку нивната употреба во филмови. Но, која е песната што најчесто се слуша во филмови?
Изненадувачки за многумина, токму хитот „U Can’t Touch This“ на MC Hammer го држи рекордот за песна што најмногу пати била употребена во филмови.
Анализата на податоци од платформата Tunefind, која следи музика во над 4.000 филмови, покажува дека оваа песна се појавува во дури 15 филмови, меѓу кои се Tropic Thunder, Into the Wild и Grown Ups 2.
Истражувањето, објавено од американскиот медиум ScreenCrush, открива дека ниту песни на The Beatles, ниту Rolling Stones, па дури ни класиката Born to be Wild од Steppenwolf не се најдоа во топ петте најкористени песни во филмовите. Топ листата изгледа вака:
„U Can’t Touch This“ — MC Hammer (15 филмови)
„Under Pressure“ – Queen и Дејвид Боуви (14 филмови)
„Push It“ – Salt-N-Pepa (13 филмови)
„Spirit in the Sky“ – Norman Greenbaum (13 филмови)
„It Takes Two“ – Rob Base & DJ E-Z Rock (13 филмови)
Во оваа анализа биле исклучени филмски композитори, а биле вклучени само песни од мејнстрим изведувачи. Боб Дилан е прогласен за автор чии песни најчесто се појавуваат во филмови — неговите композиции се користени дури 123 пати во последните 50 години.
Покрај „U Can’t Touch This“, според други извори како MovieWeb и ScreenRant, често се користат и песни како „Sweet Home Alabama“ на Lynyrd Skynyrd, „What a Wonderful World“ на Луис Армстронг, „Chariots of Fire“ на Vangelis, како и „Let’s Get It On“ на Марвин Геј, која се појавила во 31 филм и ТВ-серија.
Овие податоци само го потврдуваат влијанието на популарната музика врз филмската индустрија, а „U Can’t Touch This“ останува недостижен рекордер кога станува збор за употреба во филмови.
