Шакира моментално е на светска турнеја Las Mujeres Ya No Lloran, а на последниот концерт одржан во Буенос Аирес, пејачката ја доведе публиката до солзи со само еден гест.
Шакира приреди спектакл во Буенос Аирес кога на сцената ѝ се придружија нејзините синови Милан (12) и Саша (10), кои ги доби со фудбалерот Жерар Пике.
Ова не е првпат пејачката да ги изненади обожавателите со појавување заедно со децата, па социјалните мрежи повторно беа преплавени со нивни видеа. Овој пат тие заедно ја исполнија песната „Acrostico“.
Шакира, Милан и Саша беа и модно усогласени: момчињата носеа костуми во боја на лаванда, а пејачката впечатлив фустан во истата нијанса, со изразени волуменозни детали.
„Беше магично да пеам со моите синови и да ги гледам како ја изразуваат музиката што ја носат во себе, додека и останатите семејства пееја заедно со нас“, напиша Шакира под објавата на социјалните медиуми.
Синовите ѝ се најголема поддршка, а таа никогаш не го криела тоа. Судeјќи според снимките и фотографиите, двајцата се многу приврзани за мајка им.
Sasha nació para los escenarios, se le ve tan tranquilo y en su habitat. Milan, divino pero ha sido un gran ejercicio para combatir tu timidez. Serás un excelente productor de Sasha 😭😂😂pic.twitter.com/ySAZQWaSiM
— VoxBuzz (@howlingglitter) December 10, 2025
Шакира помина низ тежок период откако се дозна дека Пике ја изневерувал за време на нивната десетгодишна врска. По многуте турбуленции, јавните обвинувања и објавувањето на „одмазднички“ песни, таа конечно успеа да продолжи со животот далеку од фудбалерот.
