Фудбалерите на Реал Мадрид, Родриго и Лукас Васкес, ќе бидат надвор од терените најмалку 5 недели поради повреди, објавија денеска шпанските медиуми. Родриго и Васкес се повредија пред два дена на натпреварот од 13. коло од Ла Лига против Осасуна, кој „Кралевите“ го добија со убедливи 4:0.
Реал денеска соопшти дека по денешните дополнителни прегледи било утврдено дека Родриго се здобил со повреда на мускулот на левата нога. Од мадридскиот клуб денеска исто така изјавија дека Васкес се здобил со повреда на адукторот на левата нога.
Реал не соопшти колку долго двајцата играчи ќе мора да паузираат од теренот, но шпанските медиуми тврдат дека Родриго и Васкес ги очекува пауза од најмалку 5 недели.
🚨 Real Madrid confirm Lucas Vázquez and Rodrygo to be out for one month.
— Fabrizio Romano (@FabrizioRomano) November 11, 2024
Lucas Vázquez has been diagnosed with an injury to the long adductor muscle of his left leg.
Rodrygo has been diagnosed with an injury to the rectus femoris of his left leg. pic.twitter.com/07eewt1lwQ
Клубот од Мадрид пред два дена објави дека Едер Милитао на мечот со Осасуна ги скинал предните вкрстени лигаменти на десното колено, поради што ќе биде опериран и за него сезоната е завршена.
Актуелниот шампион на Европа и Шпанија има проблеми со повреди на играчите, бидејќи надвор од теренот веќе се Дани Карвахал, Дejвид Алаба, Тибо Куртоа и Орелјен Чуамени.
