Словенечкиот епидемиолог Матеја Логар предупредува дека некои граѓани на таа земја сакаат да се заразат со коронавирус на кој било начин.
Нивниот план е да добијат потврда дека ја прележале болеста за да имаат некаква корист. Таа истакнува дека во Словенија се појави „опасен тренд“.
„Некои граѓани сакаат намерно да се заразат со коронавирус на кој било начин за да можат да патуваат бидејќи се смета дека оние коишто прележале COVID-19 имаат имунитет еднаков на оној кој се стекнува со вакцинација“, порача Логар.
Таа најави дека не им препорачува да си играат со здравјето и изјави дека се размислува за воведување на нови рестриктивни мерки за патување надвор од земјата.