Се продава венчаницата што Меланија ја носеше на свадбата со Доналд Трамп пред 20 години

Креацијата што првата дама на САД ја носела на нејзината свадба со Доналд Трамп се појави на веб-страница за продажба. Сегашната сопственичка морала да додаде прерамки и да го прошири корсетот, а цената е речиси 5 пати помала од оригиналната.

Меланија Трамп, првата дама на САД и сопруга на Доналд Трамп, важи за една од дамите со најдобар стил во светот. Убавата Словенка го плени светот со својот стајлинг на инаугурацијата, а сега во центарот на вниманието е „фустанот“ што го носеше пред 20 години - нејзината венчаница.

И денес се зборува за спектакуларната венчавка на Флорида, на 22 јануари 2005 година, кога Доналд и Меланија Трамп застанаа пред олтарот, како и за креацијата на Галијано, тешка 25 килограми и обложена со кристали.

Венчаницата во која таа го кажа судбоносното „да“ чинеше 187.000 долари.

Луксузната креација потпишана од Џон Галијано и куќата Диор бараше 90 метри свила, 1.500 ситни дијаманти, кристали и бисери Сваровски, како и 550 часа посветена работа. Ѝ се допадна и на Ана Винтур, па заврши на насловната страница на магазинот Vogue во февруари 2005 година, заедно со новата сопруга на Трамп.

За прв пат се појави на реклами во 2010 година, а госпоѓата која го купи фустанот за 70.000 долари објасни дека наишла на него благодарение на заедничка пријателка. Платила многу помалку отколку што Меланија Трамп издвои за ова ремек дело на Галијано.

Сега венчаницата повторно се појави на eBay, по уште пониска цена - 45.000 долари. Во меѓувреме, претрпе мали промени, што веројатно влијаеше на нејзината вредност. Продавачот во информацијата истакна дека на долниот дел од фустанот има нов слој од сатен, како и уште неколку извезени детали во близина на горниот дел.

Горниот дел е проширен затоа што госпоѓата која го носела по Меланија има „појаки“ гради, а од истата причина и биле додадени и прерамки. Сепак, големината може да се прилагоди и да се врати на старата, според описот на огласот.