Новите авантури на Лара Крофт доаѓаат наскоро.
Crystal Dynamics потврди дека започнале со работа на нова игрица „Tomb Raider“, 13-та по ред во оваа франшиза.
Новата „Tomb Raider“ доаѓа и со нов engine, бидејќи Crystal Dynamics ќе користи Unreal Engine 5, кој неодамна го објави Epic Games.
Од компанијата наведуваат дека ќе им донесе сосема ново искуство на играчите и досега невиден гејмплеј, како и ново ниво кога е во прашање раскажувањето приказни, односно приказната што ја придружува игрицата.
Досега, Crystal Dyanmics го користеше својот Foundation Engine.
Засега нема датум кога би можеле да ја очекуваме игрицата, бидејќи само што почнаа да ја прават.