Се укинува пролетниот распуст, кој што беше воведен минатата учебна година.
Министерката за образование и наука, Весна Јанева, вели дека укинувањето се должи на барањето на родителите и повозрасните ученици, на кои распустот повеќе им ги комплицирал работите.
„Финалните одговори на родителите и повозрасните ученици покажаа дека не сакаат пролетен распуст и оваа година нема да има. Децата губат континуитет, родителите немаат каде да ги остават помалите дечиња. Не им се поклопува со одредени празници за да можат заеднички да ги искористат. Сметаат дека е повеќе комликација, отколку поволност“, изјави Јаневска.
Новата учебна година ќе започне на 2. септември (понеделник) и ќе трае до 10 јуни (вторник) следната година.
