Црвениот крст на Град Скопје и Општрина Центар денеска потпишаа договор за воведување на „Итно копче“, услуга со која на жителите на Општина Центар на возраст над 65 години им се овозможува брза помош, достапна 24/7.
Градоначалникот на Општина Центар, Горан Герасимовски, соопштио дека корисниците ќе добијат уред во форма на приврзок или нараквица, кој овозможува веднаш да се повика помош од Контакт центарот на Црвениот крст.
„Со овој проект создаваме дополнителен механизам за брза реакција во итни ситуации и ја прошируваме грижата за нашите највозрасни сограѓани. Оваа услуга е дел од заложбите на Општина Центар да обезбеди грижа за пензионерите и повозрасните жители на локалната самоуправа“, објасни градоначалникот Герасимовски.
