Најталентираните еспортисти заработуваат милиони долари на турнирите за видео-игрици.
Видео игриците се само форма на забава за многумина од нас. Сепак, за најталентираните гејмери, тие се одлична можност да се натпреваруваат со најдобрите играчи од целиот свет и да заработат од нивните вештини со освојување на турнири што ги гледаат милиони гледачи. Всушност, колку е популарен еспортот најдобро кажуваат огромните наградни фондови, па без разлика дали ги следите или не, мора да ве интересира - колку пари заработуваат најуспешните еспорт играчи во светот?
Според веб-страницата Esports Charts, има 65.824 регистрирани професионални гејмери, кои на турнири се натпреваруваат во различни игрици.
Кога станува збор за заработката, најпрофитабилните турнири се оние на кои се игра „DOTA 2“ Всушност, дури 20 од најуспешните еспорт играчи заработиле големи суми на оваа игрица, а на врвот на листата е N0tail, Данец кој во последните 8 години освоил дури 7.184.163 долари. Зад него е финскиот еспортист JerAx, кој во кариерата заработил 6.486.623 долари, додека на третото место е Французинот Ceb, кој од игрицата „DOTA 2“ заработил 5.925.842 долари.
Најуспешниот професионален играч на „Fortnite“, Bugha, е на 21. место на листата со заработка од 3.690.091 долар, додека Dupreeh најмногу заработил во игрицата „Counter-Strike“ - дури 2.211.464 долари и е на 39-тото место.
Кога станува збор за регионот, убедливо најмногу пари заработил Мартин Саздов од Македонија, попознат како Saksa, кој е на 24. место и собрал 3.151.808 долари на „DOTA 2“ турнирите. Второто место во регионот (108. во светот) му припадна на NiKo, односно Никола Ковач од Босна и Херцеговина, кој освоил 1.369.491 долар благодарение на вештините во „Counter-Strike“. Словенецот TaySon е трет (144. во светот), а преку игрицата „Fortnite“ заработил 1.193.139 долари.
Од 2009 во Македонија постои еспорт федерација, односно Македонска еспорт федерација (МЕСФ). Ги раководи националните еспорт репрезентации, клубови, лиги и купови. Одговорна е за организирање на домашни и меѓународни турнири во еспорт.
