Денеска во Скопје ќе се одржи вториот концерт во време на полициски час, а овој пат можност да уживаат во музиката во живо ќе имаат жителите на Аеродром.
Откако синоќа новата културна програма ја отвори музичарот Лепи Џони со едночасовниот концерт на покривот на Домот на градежници за станарите од Градски ѕид, денеска свој настап ќе има групата „Pluto's Doubts“.
„Денеска во 18 часот, кај сините кули во Аеродром ќе се одржи вториот концерт од програмата „Култура во време на корона“. Музичката група „Pluto's Doubts“ ќе одржи едночасовен концерт за станарите од околните згради. Ги повикуваме нашите сограѓани од околните згради да им дадат поддршка на овие млади музички артисти“, стои во соопштението на Град Скопје.
Линкот за следење преку Facebook ќе биде достапен со клик тука, додека оној за гледање преку YouTube со клик тука.
