Дали помислувавте дека ќе има батерија што се полни за пет минути и вашиот автомобил е подготвен за возење?
Сега таква батерија постои. Израелската компанија StoreDot разви нова литиум-јонска батерија за електрични автомобили што ќе се наполни целосно за само пет минути. Значи, батеријата е развиена во Израел, но кинеската фабрика Eye Energy е одговорна за нејзиното производство и досега од фабричката лента имаат излезено само 1.000 примероци.
Овие 1.000 примероци ќе бидат искористени за презентација пред потенцијалните инвеститори, вклучувајќи ги TDK, Samsung Ventures, Daimler и British Petroleum.
Електричните автомобили во моментов не се погодни за долги патувања - потребно е долго време да се наполни батеријата, бидејќи за полнење се потребни од 30 минути до 12 часа.
Додека стандардните литиум-јонски батерии користат графит како електрода, батеријата на StoreDot има полупроводливи наночестички наместо графит што им овозможува на јоните да поминат побрзо со помал отпор. StoreDot, сепак, има намера да ја замени таа електрода до крајот на 2021 година со значително поевтина електрода од силициум.
Проблемот е во тоа што масовно производство на овие батерии не е можно и тие нема да бидат на пазарот уште барем неколку години.
