Актерката и пејачка Селена Гомес беше фотографирана на сетот на серијата „Only Murders in the Building“ на Hulu, додека снимаше во прекрасна венчаница од тантела без ракави, комплетирана со бел превез и соодветни ракавици.
Гомес, која ја игра Мејбел Мора во хит серијата, изгледаше дека френетично се движи по улиците на Њујорк со нејзините колеги Стив Мартин и Мартин Шорт.
Стив Мартин во вторникот на Twitter сподели фотографија на која позира со актерката. „Погодете што штотуку се случи!“, вели 77-годишниот актер во својата објава.
Мартин, исто така, сподели слика од Гомес со Шорт и напиша: „Излегува дека и ова се случило“.
Исто така, Селена сподели фотографија од снимањето со нејзините 402 милиона следбеника на Instagram.
„Немам опис. Само вообичаен ден на работа“, порача Селена.
На фотографиите Селена седи на подот додека позира во венчаница. Ги држи рацете во воздух додека во едната има Coca-Cola, а интересно е што венчаницата ја комбинираше со бели Dr. Martens чизми.
За потсетување, Селена неодамна се најде среде драма на социјалните мрежи, а сѐ започна откако Кајли Џенер и Хејли Бибер наводно ја исмејувале Гомес поради нејзините веѓи кои случајно премногу ги подигнала.
