На третиот тренинг пред квалификациите и трката за Големата награда на Унгарија, најбрз беше Николас Латифи, возачот на Вилијамс.
Втор беше Шарл Леклер од Ферари, додека трет беше Александер Албон во болид на Вилијамс.
Целиот тренинг беше проследен со дожд, а Вилијамс постигна одлични резултати во последниот круг на гуми за променливи временски услови.
Резултатот е сензационален, дури и Шарл Леклер во комуникација со својот технички инженер прашал со какви гуми возеле возачите на Вилијамс.
Себастијан Фетел, кој се збогува на крајот од оваа сезона, не го заврши тренингот, заврши на ѕидот во осмиот свиок, а засега не се знае дали болидот претрпел сериозни оштетувања.
Првите 10 ги комплетираа Макс Верстапен, Џорџ Расел, Фернандо Алонсо, Карлос Саинс, Ландо Норис, Себастијан Фетел и Кевин Магнусен.
Квалификациите се на програмата од 16:00 часот, а неделната трка е од 15:00 часот.
