Првиот меч на Бразил на Светското првенство во Катар заврши со победа од 0:2 против Србија, а Ришарлисон ги постигна двата гола за можеби најголемиот фаворит на турнирот.
Вториот беше гол кој се опишува како ремек дело. Винисиус се проби од левата страна и нафрли со надворешен удар, а Ришарлисон ја прими топката, а потоа со феноменални ножички го совлада немоќниот српски голман Вања Милинковиќ-Савиќ.
Неговиот гол не е резултат на случајност, туку на тренинзи. Неодамна на сличен начин постигна гол на тренингот на Бразил, тогаш без смирување на топката, а за тој гол зборуваше по натпреварот:
„Сличен гол постигнав на тренинг пред да одам во Катар. Ако можеш да направиш нешто на тренинг, можеш да го направиш тоа на натпреварот. Ми се отвори можност и погодив. Ќе бидам уште подобар и сакам да бидам уште подобар“.
Ришарлисон за бразилската репрезентација одигра 39 натпревари и постигна 19 голови. Пред четири години поради повреда го пропушти Светското првенство во Русија, а со настапот во Катар, како што рече, го „остварил детскиот сон“.
