Нема службена победа за тимот на Јирген Клоп откако ФА одлучи неодиграниот натпревар да го закаже за наредниот четврток.
Натпреварот кој требаше да се одигра во неделата воопшто не започна откако навивачите на Манчестер Јунајтед го запоседнаа теренот во знак на протест поради сопствениците кои го турнаа клубот во контроверзиот проект Супер лига без согласност од навивачите. Полицијата се мачеше да излезе на крај со гневните навивачите, почетокот првично беше поместен, но кога се востанови дека услови за игра нема да има, натпреварот беше официјално откажан.
Новата одлука на ФА направи промени во распоредот бидејќи Мначестер Јунајтед требаше на 12-ти да игра против Лестер, натпревар кој сега е поместен за на 11-ти. Тоа значи дека Јунајтед за три дена ќе мора да одигра два силни натпревари.
Згора на тоа, со вечерашниов натпреавр пртив Рома во Лига Европа, Манчестер за една недела ќе одигра 4 натпревари.
Ливерпул за една недела, од 13-ти до 19-ти, ќе има три натпревари.
Распоредот на Манчестер Јунајтед до крајот на сезоната:
денеска: Рома
9: Астон Вила
11: Лестер
13: Ливерпул
18: Фулам
23: Вулверхемптом
Распоредот на Ливерпул до крајот на сезоната:
8: Саутемптон
13: Манчестер Јунајтед
16: Вест Бром
19: Барнли
23: Кристал Палас
Мега пресметката Манчестер Јунајтед - Ливерпул ќе биде со почеток од 21:15 часот.
