Од Amazon Studios објавија дека потпишале телевизиски договор со 39-годишната тенисерка Серена Вилијамс за снимање документарец којшто премиерно ќе биде прикажан на Amazon Prime Video.
Засега не е познат насловот, а фокусот ќе биде поставен на ситуации од нејзиниот професионален и приватен живот. Филмот ќе го снимаат компаниите Plum Pictures, Goalhanger Films и Amazon Studios.
„Многу сум возбудена поради партнерството со Amazon Studios, тие ги имаат креирано некои од најинспиративните и најважни содржини за светската публика. Сакам да раскажам многу приказни, вклучително и мојата, многу се радувам што ќе можат сето тоа да го споделам со светот“, вели Вилијамс.
Џенифер Сејк, директорка на Amazon Studios, напиша:
„Серена го трансформираше тенисот и стана една од најинспиративните спортистки и жени од нејзината генерација, на која ѝ се восхитуваат не само поради способноста туку и поради посветеноста на заговарање правилни идеи. Многу сме возбудени што ќе го поделиме нејзиното патување во новиот документарец и што ќе работиме со неа на создавање оригинална содржина за нашите Prime Video купувачи низ светот“.
Ова ќе биде втора исповед на Серена пред екраните и обожавателите. Претходно учествуваше во документарната емисија „Being Serena“ на HBO во 2018 година.