Новиот италијански прволигаш Комо продолжува да носи силни имиња во клубот. По доаѓањето на Рафаел Варан, Пепе Реина, Алберо Морено…, Комо сега е на прагот да ја доведе легендата на Барселона, Сержи Роберто.
32-годишниот Роберто се раздели со Барселона откако клубот реши да не му понуди нов договор. Поливалентниот играч во Италија би се преселил како слободен играч, а тренер ќе му биде поранешниот соиграч, Сеск Фабрегас. Сержи целата кариера ја мина во Барса, само како младинец има настапувано за друг клуб. Од 2009 играше за вториот тим на Барса, а од 2013 беше дел на првиот тим.
Медиумите шпекулираат дека Комо до крајот на преодниот рок би можел да се засили и со талентираниот напаѓач на Реал, Нико Пас, односно со Аргентинецот Максимо Пероне од Манчестер Сити.
Со Комо раководи Сеск Фабрегас, кој е и косопственик на клубот.
