Северна Кореја не разгледува никаков контакт со САД, изјави министерот за надворешни работи Ри Сон Гвон.
„Не ја разгледуваме ни можноста за каков било контакт со САД, ниту пак да имаме контакт што не би водел некаде туку само би ни одзел скапоцено време“, изјави Ри во изјава пренесена од државната агенција KCNA.
Тоа го коментираше откако новиот американски пратеник за Северна Кореја во Сеул изјави дека се радува на „наскоро позитивен одговор“ за дијалог од Пјонгјанг.
Севернокорејската програма за нуклеарно вооружување со години е проблем меѓу двете земји, а обидувајќи се тоа да се промени администрацијата на Џо Бајден спроведе ревизија на политиката и изјави дека ќе бара практични и примерни начини како да го наговори Пјонгјанг на денуклеаризација.
Претходно, Ким Јо Џонг, сестрата на севернокорејскиот лидер Ким Џонг Ун, изјави дека САД на погрешен начин ги толкуваат сигналите испратени од Северна Кореја.