Јужнокорејскиот трилер за опстанок воведе смртоносен пресврт во типичните детски игри како што се „Црвено светло, зелено светло“ и џамлии, во трката за освојување голема парична награда.
„Squid Game“ ги збуни гледачите откако беше објавена минатиот месец. Популарната јужнокорејска ТВ-серија што се стримува на Netflix, беше критикувана од севернокорејска веб-страница.
Серијата неодамна беше критикувана од „пропаганден“ медиум од Северна Кореја за прикажување „пеколен ужас во кој најважни се парите“, објави новинската агенција Sputnik повикувајќи се на извештаите на TMZ. Според веб-страницата Arirang Meari, привлечноста на серијата потекнува од фактот дека „ја открива реалноста на јужнокорејското капиталистичко општество“ и дека култура што се карактеризира со „корупција и неморални измамници“.
Веб-страницата, исто така, наводно тврди дека некои неименувани јужнокорејски критичари велат дека „Squid Game“ прикажува нееднакво општество во кое луѓето без пари се третираат како шаховски фигури за богатите.
„Серијата цели на тоа да ги освести луѓето за трагичната вистина за варварската култура во Јужна Кореја, во која луѓето се принудени на интензивна конкуренција и збришување на нивната човечност“, се наведува на веб-страницата.
Медиумот претходно ги етикетираше К-поп ѕвездите како „робови“ кои водат „патетичен живот“ во Јужна Кореја, објави TMZ.
