Еден од најпознатите парови во Шпанија, фудбалерот Жерар Пике и пејачката Шакира се пред разделба.
Шпанскиот репрезентативец и колумбиската пејачка заедно се од 2010 година и ги имаат децата Милан и Саша. Но, според пишувањето на El Periodico, веќе некое време Пике не живее заедно со Шакира и моментално е во Барселона.
Исто така, често е виден на ноќни забави со други соиграчи.
Причината поради која парот наводно се разделил е неверството на Пике. Шакира го фатила Пике во љубовна афера со друга жена и засега не може да премине преку тоа.
Дека се случува нешто чудно одамна забележаа и корисниците на социјалните мрежи. Шакира од март нема обајвено ниту една објава со Пике на социјалните мрежи.
