Откако популарната пејачка Шакира, по пропаѓањето на љубовта со познатиот фудбалер Жерар Пике, објави песна во која го критикува бившиот партнер, сега на светската јавност ѝ откри зошто се одлучила на овој чекор.
„Песните што ги пишувам се најдобрата терапија за мене, нивниот ефект е подобар од сесија со психолог или психоаналитичар“, рече колумбиската ѕвезда Шакира во првото интервју што го даде откако објави песна во која остро се осврнува на нејзиниот поранешен партнер.
Телевиса пресента: Продолжуваат ниските удари меѓу Шакира и Пике
Во јануари оваа година пејачката ја сними песната „BZRP Music Session #53“ и тоа ѝ било големо олеснување, откри таа во интервју за една мексиканска телевизија.
„Влегов во студио во едно расположение, а излегов во сосема поинакво. Тоа беше големо олеснување, исцелување, закрепнување“, објасни таа.
„Без таа песна, верувам дека не би била таму каде што сум денес“, додаде таа.
Говорејќи во интервју за мексиканската телевизија, таа откри дека нејзиниот 10-годишен син Милан ѝ ја дал идејата за песната.
„Ми рече: ‘Мораш да снимиш нешто со него, Бизарап е аргентински бог!“, изјави таа.
