Полскиот голман Војчех Шченсни ќе потпише договор со Барселона само еден месец откако официјално се повлече од фудбалот.
Триесет и четиригодишниот Шченсни ја прифати понудата на Каталонците да го замени тешко повредениот Марк-Андре тер Штеген и ќе потпише договор со Барса откако утре ќе ги помине медицинските прегледи.
🚨🔵🔴 Wojciech Szczesny to Barcelona, here we go! Deal in place for Polish goalkeeper to join as free agent.
— Fabrizio Romano (@FabrizioRomano) September 25, 2024
Szczesny will come out of retirement to sign for Barça and replace ter Stegen on one year contract.
↪️🇵🇱 Medical tests will take place in Spain in the next days. pic.twitter.com/FClO42e6Qg
Во текот на кариерата, покрај за Арсенал во Англија, играше и за Јувентус и Рома во италијанската Серија А со 272 настапи. Тој во 2017 година замина од Арсенал во Јуве во трансфер вреден 18 милиони евра, а потоа помина две години на позајмица во Рома.
Шченсни беше првата замена за легендарниот голман на Јувентус Џанлуиџи Буфон, а потоа дефинитивно го замени во сезоната 2018/2019 кога Џиџи отиде во ПСЖ.
Полјакот освои осум трофеи со Јувентус, вклучувајќи и три титули во италијанската лига. Тековната сезона беше и последната година од неговиот договор со „Старата дама“, но соработката беше раскината со меѓусебен договор на 14 август.
